«Лепельскі край» у Оршы
Жыву ў Оршы. Мой муж Павел родам з лепельскай колішняй вёскі Іван-Бор. Часта бывалі там, наведваемся і цяпер. З тых паездак улюбілася ў лепельскую прыроду. Каб часцей стасавацца з ёй, выпісваю “Лепельскі край”.
Сама люблю пісаць. Мая нявыдуманая гісторыя “Любоўная трагедыя” была змешчана ў “Лепельскім краі” за 29 лістапада 2011 года. Яшчэ стала пераможцай літаратурнага конкурсу за апавяданні “Доўгае расстанне”, “Селіванава студня” і “Родны кут”, які праводзіла газета “Друг пенсионера”.
Прызам стаў імпартны міксер. І сёлета прапанавала на конкурс апавяданне “Бяроза белая”.
Што хачу сказаць пра вашу газету? У ёй мне падабаецца ўсё: змест, дызайн. Прачытваю ад першай да апошняй старонкі. І што цікава, атрымліваю выданне ўжо на наступны дзень пасля выхаду — у сераду і суботу. Так што я заўсёды маю своечасовую інфармацыю аб жыцці Лепельшчыны.
Ведаю, што многія ўраджэнцы Лепельшчыны, якія жывуць у іншых рэгіёнах, пасля прыезду на радзіму даведваюцца аб апошніх падзеях з “Лепельскага краю”. Таму хачу звярнуцца да такіх людзей з прапановай выпісваць раёнку. У межах Беларусі яна дастаўляецца без праблемаў.
Тамара ГАЙКО,
жыхарка Оршы.
Искренне благодарен сотрудникам редакции газеты «Лепельский край» за возможность в электронном виде знакомиться со всеми событиями на своей Родине. Хотелось бы, чтобы здесь появилась рубрика типа «Обратная связь», чтобы было возможным оставлять комментарии не только под заметками и статьями, а просто написать в редакцию.
С уважением, Анатолий Павловский
Рейтинг комментария:00