Гасцініца ў Лепелі будуецца, а мантажная пена ледзьве не ўспенілася ў іншым месцы

 Пасля працы будаўнікі склалі свае інструменты, абсталяванне. Калі прыйшлі на работу, атрымалася замінка — працаваць не было чым. На аб’екце будучай гасцініцы па вуліцы Дзяржынскага пашуравалі злодзеі, знеслі 12 балонаў мантажнай пены, тры электрычныя падаўжальнікі. Урон — 2,8 мільёна рублёў. Аказалася, што крадзеж — справа рук непрацуючага лепяльчаніна, 1988 года нараджэння. Частка ўкрадзенага вернута.