Пра магчымую здзелку па куплі-продажы боепрыпасаў лепельскім аператыўнікам стала вядома загадзя
Пра магчымую здзелку па куплі-продажы боепрыпасаў аператыўнікам стала вядома загадзя. За прадаўцом сталі сачыць, калі ён яшчэ толькі збіраўся яе ажыццявіць.
Выбраўшы зручны момант, міліцыянеры затрымалі лепяльчаніна 1990 года нараджэння. У яго знойдзены 181 патрон калібрам 5,6 міліметра да дробнакалібернай вінтоўкі ТОЗ-8. Па заключэнні экспертызы, гэтыя патроны прыгодныя для выкарыстання па прызначэнні. Прадавец меў намеры збыць іх жыхарам Лепеля. Следчы камітэт узбудзіў крымінальную справу па артыкулах 14 і 295 Крымінальнага кодэкса (незаконныя дзеянні з агнястрэльнай зброяй і боепрыпасамі).
