Вам — мат!
Дастойна паказалі сябе юныя лепельскія шахматысты на камандна-асабістым першынстве Віцебскай вобласці сярод дзяцей і падлеткаў па месцы жыхарства, якое адбылося ў Оршы. У зборную Лепеля ўвайшлі Марк Радзько, вучань восьмага класа ДУА “Гімназія ім. І. М. Ерашова”, Арцём Ганжураў з шостага класа гімназіі і Андрэй Тарасевіч, восьмы клас ДУА “СШ №3”. Сапернічалі яны з вельмі моцнымі шахматыстамі Віцебска, Глыбокага, Оршы і іншых гарадоў. Другое месца заваяваў Арцём Ганжураў, на трэцюю прыступку п’едэстала ўзняўся Марк Радзько. Пераможцы атрымалі каштоўныя падарункі і шахматныя кнігі. Лепяльчане пазнаёміліся з Алінай Талай, неаднаразовай чэмпіёнкай Еўропы па лёгкай атлетыцы. Аліна пажадала поспехаў у спорце і пакінула аўтограф на памяць.
На здымку: лепельскія шахматысты ў час гульні.
Яўген МУДРЫ.
