12 гадоў працуе ў КУВП “Бароўка” Лепельскага раёна вадзіцелем Аляксандр Кекіш

 12 гадоў працуе ў КУВП “Бароўка” вадзіцелем Аляксандр Кекіш. За гэты час змяніў некалькі машын, была “Ніва”-лятучка ў кузаве пікап, на якой развозіў па аб’ектах брыгады і інструмент, абсталяванне. А зараз у яго спецмашына — ГАЗ з асенізатарскай бочкай. Такая тэхніка — адзіная на ўсё прадпрыемства, якое абслугоўвае ваенныя гарадкі Бароўку, Заслонава, Межыцу і больш за тры дзясяткі вялікіх і маленькіх вёсак па наваколлі. Таму і працы хапае, асабліва ўвесну і ўвосень.
У той час, як многія прадпрыемствы з мэтай зэканоміць пераводзілі аўтапарк на дызельныя рухавікі, КУВП “Бароўка” пайшло іншым шляхам: перавяло машыны на выкарыстанне звадкаванага газу. Аўтамабіль Аляксандра таксама аснашчаны газавым абсталяваннем.
Тэкст і фота
В. МАТЫРКІ.